ازاى تختار شقتك
قبل ما تختار شقتك لازم تحدد وتعرف النقاط التاليه :
(المنطقة – الاسعار – انواع الشقق)
1 - المنطقة
ففى او نقطه لازم تحدد المنطقة اللى هتكمل فيها مستقبلك
سواء كانت منطقة خدمات قريبه من المواصلات وحواليها مدارس بمختلف المراحل العمرية
المناسبة لأولادك او منطقة هادئة بعيدة عن كل ده لو حياتك خلاص استقرت
2 - الاسعار
تانى حاجه تركز فيها الاسعار
طبعا هنشوف السعر المناسب ليك ايه ونظام الدفع اللى يريحك سواء قسط او كاش
3 - انواع الشقق
ثالث حاجه هانعرفك عليها و دى اهم حاجه هنعرفك عليها أنواع الشقق اللى ممكن تقابلها ايه
أ - شقق مطله على الشارع بتكون سلاح ذو حدين
الاول انها بتدخلها الشمس والهوا ودا صحى جدا بالنسبه لك
اما الثانى انك بتتعرض لمساوئ الشارع من ضوضاء و عوادم سيارات
وزحمة مواصلات ان وجد وده علاجه بالالوميتال عازل الصوت
ب - الشقق الجانبيه ودى الشقق اللى بتكون بين شقتين او مطله على منور
ويميزها انها معزوله عن ضوضاء صوت الشارع و الزحمه
وسعرها بيكون اقل بسبب نوع من الضيق عند بعض الناس
ج - الشقق اللى ادوارها عاليه ودا طبعا احسن فيو ممكن نستمتع بيه
بجانب عامل الاستغلال اللى بتحققهولك والهواء النقى اللى هتستنشقه
ده غير ان سعرها دايما بيكون اقل من الادوار اللى قبلها
مشكلتها بس بتكون مع الناس اللى عندها فوبيا من الادوار العاليه و عند انقطاع الكهرباء فى صعود السلم
د - نيجى لآخر نوع فى الشقق وهو الدور الارضى
اللى ناس كتير بتحبه خصوصا لو بحديقة بينقلها احساس سكن الفيلات
وبيكون قريب من الشارع بيسهل حركته ومش بيحتاج لاسانسير
يعنى بيغنى عن اشتراكه بس مشكلته بتظهر فى درجة الرطوبه
اللى بتلحق بالجدران ووجود الحشرات احيانا
دى بعض المعلومات اللى اكيد هاتفيدك قبل الشراء
ولمتابعة الموضوع ممكن على صفحتنا
اضغط هنا وهاشتاج #اسأل_مجرب #اسأل_اختيار
